Sykurlaust bananabrauð

             

Þetta bananabrauð er sætt og mjúkt, þó það sé ekki sykur í því. Ég bý oft til bananabrauð þegar bananarnir eru orðnir brúnir og ljótir, enda eru þeir bestir þá til að gera brauðið. Frá því ég bakaði þetta brauð fyrst hefur það lengi verið í uppáhaldi hjá mér.

Uppskrift að einu brauði

• 2 stappaðir bananar/vel þroskaðir
• 1 egg
• 2 bollar hveiti
• 1 tsk matarsódi
• 2 tsk lyftiduft
• 2 dl mjólk
• 1/2 tappi vanilludropar
• 1/2 matskeið kanill

 

Einnig er gaman að breyta til að prófa setja döðlur,hnetur,gróft kókosmjöl eða allt sem ykkur finnst vera gott í uppskriftina.

 

Aðferð

 

Stappið bananana vel og blandið öllum þurrefnunum saman í skál. Hræra mjólk,stappaða banana og egginu saman og setja svo allt hitt saman við. Hræra létt saman með gaffli. Strá smá haframjöli yfir brauðið til að fá fallega áferð. Baka í brauðformi í miðjum ofninum í 40 mínútur á 180°C.